Те има на интернет ? Си дел од глобалното вмрежување? Веруваш ли во моќта на директниот контакт?
Ги познаваш ли можностите на новиот тренд во денешната глобална маркетинг стратегија на секој бизнис?
Ги користиш ли потенцијалните на вмрежувањето?
Што се тоа social media ? …

Имам и многу други прашања кои се врзани со насловот на текстов. Можеби најважното, се плашиш ли од она што не го знаеш пред да го дознаеш и научиш ?

Денешниот бизнис пристап е многу поразличен од секој досегашен. Денешниот маркетинг е комплетно променет и насочен кон единката – потрошувачот во прво лице еднина. Сите пораки, информации, секојдневна комуникација е строго таргетирана на конкретниот интерес, потреба, пол, возраст, место на живеење, образование… Минато се пораките до „широки народни маси“ со големи буџети, големи и долгорочни медија планови, често без можност за прецизна повратна статистика за одзив, бенефит, мерливост…

Како да го освоиш твојот нов потрошувач ?
Како да го задрши твојот постоечки потрошувач?

Еден од начините да дојдеш до вистинскиот одговор и вистинската бизнис стратегија е social media.
Можни социјални мрежи за почетни чекори и стратешки развој на новите канали на промоција и комуникација:

• Facebook
• Twitter
• LinkedIn
• YouTube

Доволно за почеток. Потребен ти е совет и комплетен проект за максимален ефект од вложеното?
Контактирај ме (+389 78 246801). Го имам решението за твојот бизнис.

Направи трансфер на интернет. Заштеди, зголеми обрт, зголеми профит.

Оваа година си заминува, со голема радост и исполнето срце ја испраќам со желба секогаш и секогаш да се повторат убавите настани, дружења, а никогаш повеќе да не ми се повтори лошо слученото. Заради подоброто, поубавото, поуспешното. Дали беше успешна? Да. Дали беше динамична? Да. Дали беше профитна? Да. А следнава? Уште најдобра до сега!

Неоткривајќи голем дел од приватните случувања, каде успешно го задржив личниот спокој, интегритет и имиџ, ќе нафрлам дел од работите кои се случија во годинава во мојот професионален (деловен) и блогерски живот. Без намера за отчет. Многу повеќе со желба за ретроспектива на слученото, со желба за наше подобро запознавање и поуспешен пат кон заедничкиот успех.

Во годината што помина шетав многу, на Балканов, во Европа, низ Македонијава. Запознав стотици успешни луѓе, поединци кои бараат свој личен пат за сопствен успех и одличен животен стил. Научив многу од сите нив. Им благодарам.

Им помогнав на стотина нови пријатели да си го подобрат сопственото здравје, да научат како поздраво да се хранат. Научива десетици луѓе како да ги остварат своите финансиски цели, како да го зголемат својот месечен буџет, а притоа да си го подобрат својот животен стил, да заборават на сопствените бариери, да извлечат максимум од себе си.

И додека работев со мојата професија Personal Wellness Coach, придонесував и во мојата фирма Презент. Учествував во над 20 проекти од различен вид, претежно веб страници.

Лична надградба – едукации – обуки – промоции: со еден збор, висока струја за добар темел и успешна кариера.

Теми и ставови на овој мој блог во 2010-тата:

• ПОЗИТИВ vs. НЕГАТИВ = НЕПОЗИТИВ vs. НЕНЕГАТИВ
• Доследност. Почитување. Признание.
• ТРЕНД
• Квалитетно. Знаеш? Можеш?
• Индивидуалец (соло играч надвор од група) или Колективец (соло играч во група)? Тимски играч?
• Одговорност! Вистинска вредност или лажно лице пред клиентот?
• СТАРТ ! Петолетка ?!
• Сакаш да продаваш? Еве ти работа!
• Понуда за работа во Wellness компанија
• Нов почеток!
• Мотивација
• Просек. Под и над? Каде си Ти?
• Ученик-Учител. И обратно. Алка без која нема напред.
• Интелегентен или разумен и разбирлив став ?! Резонираш?
• Сериозност.
• Доверба. Сигурност. Напредок. Успех.
• Искреност. Почитување.

Зошто сето ова? За да ги пренесам моите емоции, моите ставови за тековни случувања од моето секојдневие. Со надеж за Твоја поддршка-помош-идеја за подобро утре. Скромно, но доволно за овој виртуелен простор, како дел за паметење и постојано потсетување на мисли-размисли-совети кои се произлезени од ситуации-искуства-состојби во 2010-тата.

Вкупно откуцани карактери: ХАХАХХАХАХА. Очекувам апаратчето за мерење стрес на прсти да пристигне во Македонија, па да си го запишам и тоа како информација

Денес е првиот ден од најважната 2011-та. Голема е важноста на оваа година за мене. Се нижат многу јубилеи кои ќе ги прославам на најдобар можен начин. Се прашуваш можеби зошто сето ова? Зошто пишување, зошто личен блог, зошто различни професии и започнати бизниси (електроничар, менаџер, проект менаџер, продуцент, новинар, радио водител, ди-џеј, систем администратор, личен велнес советник за здрав и правилен начин на исхрана; радио, мултимедијален центар, информатички консалтинг, веб продукција)… ? Зошто www.avizo.mojbiznis.mk, www.mojbiznis.mk, www.gromradio.com, www.panoptikum.com.mk, www. prezent.com.mk…? Бидејќи имам цел, имам визија, имам сон за мојот животен стил. Сон за кој мечтеам одамна, и заради кој работам за да сработам.

Си дадов збор на себеси пред години околу моето пензионирање. Како што се движат работите, дадениот збор ќе си го испочитувам, ќе го остварам. Затоа што работам според план, според мое темпо, со моја акција, со сето мое знаење, со сите мои вештини. Затоа што постојано се надоградувам, усовршувам, подобрувам. Затоа што знам што сакам.

Ти благодарам за Твоето следење на моето. Драго ми е што Те имам и Тебе за свој личен пријател.
Сигурен сум дека ќе успееме заедно во оваа 2011-та.

Ја започнавме најуспешната, најпосакуваната, најдрагата, годината со најголем успех, просперитет, задоволство… Во оваа година сите наши соништа ќе ги оствариме, сите желби ќе се остварат, сите радости ќе бидат дел од секој наш ден. Да, оваа е таа – 2011-тата

НЕКА НИ Е СРЕЌНА, БЕРИЌЕТНА, ВЕСЕЛНА НОВАТА 2011-та. Сите ние со многу здравје, к’смет и ум!

Да почнеме

Да бидеш искрен е многу важна работа. Искреноста е една од нашите особини која секој човек, што го знаеме или не го познаваме, ја цени со особена мерка. И таа, како добрата вест, се шири многу поспоро, од лошата – неискреноста. Изневери 1 човек, ќе добиеш најмалку 1 поточно 10 кои нема да веруваат на твојот збор. Декларираната искреност неподдржана со практичен пример е самозалажување, обременување со погрешни вредности, обид за бегство од своите карактерни слаби вредности. И искреноста и неискреноста се забележуваат веднаш, на прв поглед, како и љубовта.

И ако си искрен, ќе те почитуваат. И ако се искрени, ќе ги почитуваш.
Поинаку не оди.

Се што е различно поставено е лажна состојба поставена на лажни очекувања и погрешни надежи. Не дај боже, да поставиш план за своите цели базирани на неискреност и лажно почитување. Тогаш си осуден/а на неуспех.

Оваа реченица е за Тебе, мој драг пријателе, кому знам дека му значат мои зборови, кои приметувам дека позитивно влијаат на Твојот напредок и развој: Ти беше неискрен кон мене, а јас Те почитував со чисто срце и отвореност кон Тебе. Верував во Твојата искреност, иако постојано имав сомнеж дека можеби и не постои, поучен од моето животно искуство и став „анализирај ги сите работи од секоја страна, размислувај за се, и помисли на се за да бидеш подготвен да одговориш на се што ќе се случи – позитивно, во сопствена корист“.

Да бидам конкретен, за да не размислуваш сеуште што сакав да Ти кажам:
- Јас сум искрен, отворен, доследен на мојот збор. И почитувам. Кога ќе бидеш и Ти на овие 4 столба, нашата цел ќе биде остварена. Да, Твојата и мојата се можеби различни. Но патот до нашите цели е ист, заеднички, барем засега.

Бидејќи најчесто не добивам коментари, ниту од Тебе, ретко од останатите: бидете храбри, јас разговарам и 1 на 1. Не срамете се од својот збор, ако знаете колку тој збор вреди, за Вас и за останатите со Вас.

Убав викенд, добра забава и уживајте во вашиот wellness.

Добив реакции од многумина што лично ги познавам, но и од многумина што не ги познавам, дека сум бил многу сериозен. Прочитав и дека сериозно сум на правиот пат според моите успеси. А ми кажаа и дека сум комплициран, остај сериозен – тоа ми Ти било од мојот факултет. Овие 2 реакции се од мојот Facebook профил. А во живо: слушнав вакви оценки од еден куп луѓе досега. И замисли, „мојата сериозност“ ја поистоветуваат со мојата деловност – мојот однос кон работата, мојот начин на комуникација (?!),  па и со израз на лицето, и што Ти уште не… Не можам да си поверувам: толку сум им интересен што се замараат со мене. Секоја ми чест

Сериозност или озбилност. Не е битен правиот збор. Ќе се обидам да Ти помогнам да ме разбереш што јас разбирам под поимов, кога се однесува на човек а не на било што друго. Се заправашав: Дали сум сериозен ?

Карактерот е купче на особини наследени во нашиот ген, стекнати во нашиот живот, со сите позитивни и негативни фактори кои влијаеле и влијаат постојано. И можно е да сме сериозни, по карактерот. Но што значи тоа за мене: постојано еднострано гледање на состојбите, во се слушнато да се бара „коренот“, незнаење да направиш грам „обичен муабет“, на виц и шега да не знаеш да се насмееш – да не знаеш шега да кажеш, да не знаеш отворено и без умисла да гледаш на состојбите од Твојот живот… Но, значи и: знаеш што сакаш и што можеш, се поставуваш во различни ситуации на свој начин заради својот интерес, ја знаеш Твојата цел во секоја ситуација и со секој направен контакт, … А во бизнисот, во работата: одговорен, чесен, отворен, прецизен, дисциплиниран. И, во семејството: човек!

Сериозноста е момент кога на одреден начин и во одреден момент се поставуваме кон ситуацијата во која сме на свој начин. Што значи, разумно, со оладена глава, конкретно, рационално, максимално насочено за да извадиме резултат од неа. Во ситуации кога знаеме што сакаме. И ако е тоа бизнис, за мене значи: деловно, точно на време, прецизно, одговорно… Но, сето тоа, особено ако е бизнис, не значи дека ако изразот на лицето ни е сериозен, дека ние сериозно сме се поставиле. Доколку точно се знае целта, и насочи сопствениот квалитет кон успешна реализација – резултат според планираното, тогаш да: Ти си сериозен во Твојот бизнис.

Збунувам? Можеби. Комплицирам? Можеби. Да Ти помогнам? Сега:

Мајтапењето и префрлувањето се начини како да се одбраниш самиот/самата себе си од конкуренцијата. И во битката за победа очекувано е дека ќе се обидуваш на секаков начин да ги спуштиш останатите во трката под Тебе. Но, омаловажувањето и обезвреднувањето се сериозен напад на кој одговарам максимално брутално. Можеш да го купиш мојот збор, но не и мојот начин на размислување. Можеш да ме сметаш за сериозен и да ме оттргнеш бидејќи Ти смета мојот став, кој е понапреден од Твојот, кон кој се движиш зад мене. Но ако и Ти си сериозен/а, ќе сфатиш дека најдобрата особина во нашиот живот е да се сериозен кон се што правиш за себе си и Твоите сакани. И ќе престанеш да копаш по туѓите судбини, барајќи влакно во јајцето, за да сериозните ги оставиш настрана, а несериозно сериозните ги буткаш-тераш-водиш напред. Сериозниот кој го познаваш не е наивен. Тој е обичен човек како Тебе. Можеби брои зборови и одбира што на Тебе ќе ти каже. Но запрашај се: дали Ти си се поставил така за да и Серизниот се постави така кон Тебе ?

Сакав уште ова: сум сериозен кога треба; сум несериозен и кога треба и кога не треба. Но не сум човек што на зезање ги прифаќа сите работи во секојдневието, заради помодарство, затоа што така правел некој па морам и јас, затоа што Тебе ти одговара да ги прифатам на тој начин. Да, сериозен сум за се што правам пред се заради мене. Ако тоа Ти пречи, мрдни ми се од патот за да не Те отстранам. Знам и тоа да го правам! Ако ми пречиш, ќе Те спречам.

Сериозен сум во бизнисот кој го работам, во моите животни цели. Сериозно работам на својот wellness, и сериозно се посветувам на сите оние кои посакуваат да го достигнат својот wellness. Твојата одлука е само Твој избор: ќе бидеш со мене или не е Твоја одлука. Ако Ти пречам, подобро отпиши ме.

Се најдобро пријатели.

Велат, во книгите е знаењето. Читај за да го купиш, осознаеш, употребиш во своето секојдневие заради своите животни цели. Од искуството на оние што читаат, и од мое скромно искуство, вистина е. Но, не сум од оние што слепо веруваат во книгите. Верувам дека има нешто и во мене, во мојот начин на расудување, во мојот ментал кој ме прави ист или различен, привлечен или одбивен, позитивен или … Да, прочитај за да дознаеш, искористи го тоа што сметаш дека ќе Ти додаде вредност, но не биди слеп при здрав разумен и сопствен интелект.

Се додека веруваш, ја трошиш својата доверба за нештото, го вложуваш своето време и знаење, делуваш по сопствениот план заради остварувањето на сопствените цели во животот, напредуваш кон сопствениот успех. И додека остваруваш мали цели заради поголемите, мали успеси кон главниот замислен и зацртан во себеси, чувстуваш сигурност. Дека можеш, знаеш, успеваш. И додека си во тој филм, стануваш привлечен човек. Но истовремено си предмет на завист, љубомора, цел која сите се стремат да ја обезвреднат. Стануваш конкуренција на останатите кои се движат по истиот пат како и Ти, безрезрезерво, со целата сопствена енергија, страст, воља, љубов кон она што го работат. Заради целта, заради сопствениот успех.

Во филмот на привлечноста, на моментумот на сопствениот мал успех, на патот кон најголемиот, веруваш во себе си, и во сите оние кои се со Тебе на Твојот пат. Чувствуваш сигурност и не помислуваш во ниту еден момент дека Тој, Таа, Тие, ќе Ти попречат, ќе Те сопнат, ќе Ти го свртат грбот, ќе Те заборават. Ќе помислат дека повеќе не Ти се потребни, бидејќи успеваш. Но чувствуваш дека сопствениот напредок е многу посилен од исклучителниот идиотизам и желба за одмазда, завист, безлична кражба на стекнатото… Во истиот моментум се случува да почиствуваш дека Те изиграле, Те изигруваат, Те искористуваат, Те омаловажуваат… Се трудат да Те уништат барајќи начин Твојот резултат да го разнишаат. Трката кон крајниот успех е пеколна. Кој преживее ќе зборува. Но, дали е тоа човечно?

Ахм, тупаџиски фрази кои не секој ќе ги разбере. Ова е мој став наменет за малкумина кои знам со голема сигурност дека се радуваат на секој мој пост на овој мој блог. Небаре моето напишано е поважно од моето кажано очи в очи, на кафе муабет. Уште повеќе, позгодно да се прочита бидејќи сето ова, кажано во четири очи, ќе трае 2 минути. А прочитаново ќе се дочитува се додека не се прочита.

За Тебе што го читаш ова, да Ти појаснам некои нешта кои или не сакаш да ги согледаш, или не сум бил досега директен за да ги дознаеш во форма која ќе ја разбереш, без демагогија, фрази и искази од типот „слушај ќерко, сети се снао“:

• Верувам во луѓе кои ќе покажат дека сакаат и можат со мене, заради нас.
• Често се преправам дека слепо верувам, но знај дека во мене длабоко се прашувам за се, за да не се разочарам од сопствената доверба.
• Секогаш со сигурност верувам во договореното. И толерирам отстапки. Можеби и премногу. Но знај, кога еднаш ќе ја скршиш мојата сигурност во Тебе, ќе остане скршена за навек.
• Играм тимски, не сум индивидуалец, не трпам авторитети. И сакам да напредувам заедно со Тебе. Но знај, во моментот кога ќе согледам дека ме кочиш во моето темпо, Те заборавам. Не дозволувам да ме влечеш назад, и да ме удираш по десното рамо (кое за жал не издржува повеќе тапкање).
• Мојот успех зависи од мене. Често сакам да го споделувам со Тебе, со сите што истото го посакуваат за себе. Но знај, не дозволувам мојот успех да го прокоцкаш, за да останам без него.

Ти што не веруваш во себе, никогаш нема да поверуваш на други.
Сопствената доверба е Твојот услов за да напредуваш и успееш во тоа што го работиш.

Без мене, или со мене, заради мене или други… Сфати ги зборовиве како човечки пријателски совет. Наврати се колкупати сакаш, но Те молам: не ме прашувај за ништо што тука го напишав. Така е подобро и за Тебе и за мене.

Ахм, ова го пишувам во ситни часови, во момент на сопствен мир и расчистување на дилеми и кочници на патот кон мојот успех. Откочи се, за да ме стигнеш. Јас заминав!