Добив реакции од многумина што лично ги познавам, но и од многумина што не ги познавам, дека сум бил многу сериозен. Прочитав и дека сериозно сум на правиот пат според моите успеси. А ми кажаа и дека сум комплициран, остај сериозен – тоа ми Ти било од мојот факултет. Овие 2 реакции се од мојот Facebook профил. А во живо: слушнав вакви оценки од еден куп луѓе досега. И замисли, „мојата сериозност“ ја поистоветуваат со мојата деловност – мојот однос кон работата, мојот начин на комуникација (?!),  па и со израз на лицето, и што Ти уште не… Не можам да си поверувам: толку сум им интересен што се замараат со мене. Секоја ми чест

Сериозност или озбилност. Не е битен правиот збор. Ќе се обидам да Ти помогнам да ме разбереш што јас разбирам под поимов, кога се однесува на човек а не на било што друго. Се заправашав: Дали сум сериозен ?

Карактерот е купче на особини наследени во нашиот ген, стекнати во нашиот живот, со сите позитивни и негативни фактори кои влијаеле и влијаат постојано. И можно е да сме сериозни, по карактерот. Но што значи тоа за мене: постојано еднострано гледање на состојбите, во се слушнато да се бара „коренот“, незнаење да направиш грам „обичен муабет“, на виц и шега да не знаеш да се насмееш – да не знаеш шега да кажеш, да не знаеш отворено и без умисла да гледаш на состојбите од Твојот живот… Но, значи и: знаеш што сакаш и што можеш, се поставуваш во различни ситуации на свој начин заради својот интерес, ја знаеш Твојата цел во секоја ситуација и со секој направен контакт, … А во бизнисот, во работата: одговорен, чесен, отворен, прецизен, дисциплиниран. И, во семејството: човек!

Сериозноста е момент кога на одреден начин и во одреден момент се поставуваме кон ситуацијата во која сме на свој начин. Што значи, разумно, со оладена глава, конкретно, рационално, максимално насочено за да извадиме резултат од неа. Во ситуации кога знаеме што сакаме. И ако е тоа бизнис, за мене значи: деловно, точно на време, прецизно, одговорно… Но, сето тоа, особено ако е бизнис, не значи дека ако изразот на лицето ни е сериозен, дека ние сериозно сме се поставиле. Доколку точно се знае целта, и насочи сопствениот квалитет кон успешна реализација – резултат според планираното, тогаш да: Ти си сериозен во Твојот бизнис.

Збунувам? Можеби. Комплицирам? Можеби. Да Ти помогнам? Сега:

Мајтапењето и префрлувањето се начини како да се одбраниш самиот/самата себе си од конкуренцијата. И во битката за победа очекувано е дека ќе се обидуваш на секаков начин да ги спуштиш останатите во трката под Тебе. Но, омаловажувањето и обезвреднувањето се сериозен напад на кој одговарам максимално брутално. Можеш да го купиш мојот збор, но не и мојот начин на размислување. Можеш да ме сметаш за сериозен и да ме оттргнеш бидејќи Ти смета мојот став, кој е понапреден од Твојот, кон кој се движиш зад мене. Но ако и Ти си сериозен/а, ќе сфатиш дека најдобрата особина во нашиот живот е да се сериозен кон се што правиш за себе си и Твоите сакани. И ќе престанеш да копаш по туѓите судбини, барајќи влакно во јајцето, за да сериозните ги оставиш настрана, а несериозно сериозните ги буткаш-тераш-водиш напред. Сериозниот кој го познаваш не е наивен. Тој е обичен човек како Тебе. Можеби брои зборови и одбира што на Тебе ќе ти каже. Но запрашај се: дали Ти си се поставил така за да и Серизниот се постави така кон Тебе ?

Сакав уште ова: сум сериозен кога треба; сум несериозен и кога треба и кога не треба. Но не сум човек што на зезање ги прифаќа сите работи во секојдневието, заради помодарство, затоа што така правел некој па морам и јас, затоа што Тебе ти одговара да ги прифатам на тој начин. Да, сериозен сум за се што правам пред се заради мене. Ако тоа Ти пречи, мрдни ми се од патот за да не Те отстранам. Знам и тоа да го правам! Ако ми пречиш, ќе Те спречам.

Сериозен сум во бизнисот кој го работам, во моите животни цели. Сериозно работам на својот wellness, и сериозно се посветувам на сите оние кои посакуваат да го достигнат својот wellness. Твојата одлука е само Твој избор: ќе бидеш со мене или не е Твоја одлука. Ако Ти пречам, подобро отпиши ме.

Се најдобро пријатели.

Она што е мода, минува. Во модата најчесто многумина „слепо“ прифаќаат, или одбиваат, она што им се нуди. Велат трендовите во модата се веќе измислени, само се менуваат од периоди на периоди. Ако земеме дека модата е облеката, да. Но, ако малку размислиме околу трендовите во човештвото, од каде излегуваат стотици модни трендови, тогаш приказната е поинаква.

Трендот е тука заради природна или наметната потреба на луѓето. До пред 10 години, случај беше да видиш човек со мобилен. Едно заради цена, а друго заради одбивност кон новитетот, заради природното „НЕ“ во нас. Но, денеска, го живееме трендот. И модата „мобилен“ се претвори во суштинска потреба, и секојдневие. Па полека од тренд, се претвори во нешто нормално за кое веќе и никој не размислува дали му треба или не. Мобилниот се претвора во нов тренд: интеграција за повеќе типови на апарати за комуникација во еден подвижен мал збрлавен апарат, кој меѓу другите функции ги има и оние на мобилниот телефон. Тренд кој во моментов е во фаза на модата: iPhone и сличните на него играчки за луѓето.

Дали си размислил/а дали си ти дел од трендот? Или подобро, дали си Ти оној што го користи за себе си трендот кој постои, или си дел од трендот кој има корист од Тебе – од Твоите навики, пари, егоистични размилувања.

Ова е важно прашање на кое Ти препорачувам да си одговориш што побргу. Заради 2 причини:

1. Да не Ти биде криво што си последниот вагон од возот кој тргнал, и си го знае Својот пат, но како последен, ќе си бидеш со кратки раце. Сите слушнале и имаат, а Ти уште тераш демагогии и продаваш памет што е добро а што не е.

2. Еден убав сончев ден, кога ќе слушнеш дека Твојот близок како и Ти слушнал, видел, послушал, и искористил… Што тоа? Понудата за работа. И кога ќе почнеш тогаш, ќе биде доцна за Тебе. Ќе има многу што се дел од трендот, а Тебе ти текнало кога сите почнале па тераш политики небаре продаваш ветар во магла и тепаш празна слама.

Трендот е wellness. Или си или не си дел од него. Јас сум. И немој тогаш да ми кажеш дека не сум Ти кажал.

Во мојата досегашна кариера многупати не верував на луѓе што ми зборуваа што е „ИН“. Често бев тврдоглавиот паметњакович и мрчев дека се тоа нема врска, дека тоа не е за мене, дека не сум јас Тој. И многу чето знаев што е „АУТ“. Ако си подготвен да се менуваш, тогаш ќе Ти биде полесно. И на тебе, на твоето Его, и на Твоите околу тебе.

ЗАРАДИ ТЕБЕ !

Како што знаеш, по професија сум дипломиран менаџер, и со задоволство изучував се и сешто за да работам како менаџер во Македонија. И би! Работев! Како менаџер? Хахахахаха… Како хаусмајстор: менаџирај возен парк, менаџирај луѓе, менаџирај финансии, менаџирај систем за квалитет, менаџирај маркетинг, менаџирај тендери, менаџирај проекти… Да, ова не е менаџер, туку хаусмајстор! Не е ниту извршен директор – тој има тим менаџери.

Да, таков к’смет можеби сум имал и не сум видел-слушнал-осетил-работел менаџмент во Македонија. Но фала му на газдата (читај животниот пријател), научив се што не знаев додека изучував менаџмент. Особено интересно ми стана да научам многу за продажба – иако тоа досега не сум го кажал никому ниту пак сакав да го откријам и овој мој афинитет – ќе станев менаџер за продажба, гарант!

Откако одлучив да си барам заработка во свој бизнис, од самиот старт работев на моите знаења и вештини за продажба. Дали станав продавач? Јас како и сите сум продавач, но зависи колку заработував-заработувам-ќе заработувам продавајќи го тоа што го имам во своите раце.

Што сакав да речам! МЛМ !

Во продажбата има безброј видови на дистрибуција на производ или услуга. Стандардниот ни е познат на повеќето: фабрика-препродавачи на големо-препродавачи на помало-продавачи/трговиц-клиенти. И ова е ОК. Ако ова не постоеше и не се разви како што е развиено, кој знае на што ќе личеше светов.

Арно ама, работејќи свој бизнис согледав дека и не така лесно да го направиш тој ланец, со цел да имаш заработка од него, каде и да се наоѓаш во синџирот – почеток/средина/крај. И немаше да знам дека голем ќар во ваков синџир е тешко да го добијам (мислам на личен ќар), доколку не го запознав Herbalife и неговиот маркетинг план.

Дали е тешко да бидам злато во синџирот? Хмм, па не, но не сум син на рокфелер. ниту на политичар, ниту на мултимилијардер. Мојот татко е новинар-творец-професионалец за медиуми (радио). Професија што во неМакедонија прави милионери. Но еве 6 децении живее и работи во Македонија.

Дали е тешко да бидам злато во МЛМ? НЕ.

Што е мултилевел? Тип на дистрибутивен канал кој заштедува на еден куп алки во синџирот, а Ти дава можност Ти како една од алките да имаш најголема добивка, да имаш најголем ќар, да бидеш награден за Твојата работа. Постојат разни компании кои го нудат овој модел на работа. И пред да одлучиш да соработуваш или пак да го користиш овој модел на комерцијализација на твојот производ или услуга, научи за моделот, научи за компанијата – па донеси одлука: јас сакам да заработувам / јас сакам да го крпам животот.

Од каде ваков одбранбен став и позитивно размислување за мрежен маркетинг? Го научив моделот на Herbalife, кој е еден од двата најчесни системи и модели на МЛМ. Го практикувам веќе 10 месеци. Заработувам одлично месечно. Без големи инвестиции, без големи нервози, без големи временски бркотници – онака како што јас сакам, со кого сакам, кога можам. Лесно можам да го споредам ова работење со работењето во мојата фирма. И многу лесно можам да заклучам каде водата е потопла, сонцето посветло, ветерот поспор.

Она што јас Ти го препорачувам Тебе: не чекај, прашај ме за Herbalife за да дознаеш како и ти како мене да заработиш за себе, за сега и за Твојата иднина. Не чекај да Те барам јас. Ти си тој/таа што го креираш Твојот живот и го живееш на свој начин. Ти си тој/таа што Треба да го преземе она што го има во својот живот во свои раце.

Доналд Трамп одлучи, после сите мултилијардерски бизниси што ги поседува, да основа свој бизнис во иста индустрија каде веќе 30 години работи Herbalife: wellness индустријата. Ќе речеш: човекот има пари па може, човекот е будала да се плетка со нешто што не му треба. ИЛИ: човекот знае што е ТРЕНД, и знае што треба да направи за да го искористи за да направи уште еден бизнис кој ќе му носи милијарди и милијарди.

МОЖЕШ И ТИ ДА БИДЕШ ДА БИДЕШ ДОНАЛД ТРАМП Се шалам? НЕ!

Донеси одлука за свој бизнис, искористи ја деловната можност што Ти ја нудам, и без инвестиција биди дел од трендот каде речиси сите бизниси се позиционираат затоа што знаат дека таму е иднината.

Еве што вели Вест за идејата на Доналд Трам (имаше линк на вебот на Вест но сега е сменет, ќе го корегирам штом го пронајдам пак).

Работата го создала човекот. Целиот развој, ментално-психички-физички е резултат на постојаната работа – физичка, ментална… Барем така не учеа и такви теории постојат за еволуција на човекот. Тој пат веројатно не створил да бидеме ретките на планетава со комплетна свест и моќ да менувамесе што ќе посакаме (последново дефинитивно се потврдува во последните 2-3 децении кога технологијата прави се). Ако работата е таа што сите ја практикуваме секој ден, дали размислуваме што добиваме од тоа што го работиме?

Немам намера да возам со мојов став по патот на бизнисот… Работата е се – се што правиме секој ден. И ако сме невработени, работиме! Но дали од тоа имаме вистинска добивка или пак сме препуштени на водата која носи се и сешто, па и нас со по нешто? На што мислам. Еве многу кратко.

До 18-ка (барем така беше до пред извесно време, а сега веќе таа граница се кине), се здобиваме со доволно знаење и вештини, оформуваме карактер, за да бидеме самостојни. Колку сме, и дали сакаме, тоа сега е небитно за муабетов. Но 18-ката е клучот: дали сме свои луѓе или човеци кои под диригентска палка на тато, мама, дедо, баба и остали ѕврчки, правиме што ќе ни речат а не што ние сакаме. И уште поважно: знаеме ли што сакаме? До 18-ка сме уверени дека без работа нема ништо. И до 18-ка многу сме сработиле: сме научиле да одиме, зборуваме, да учиме, да сакаме, да водиме љубов (читај секс), да размислуваме со своја глава (резонираме), да го одбереме она што го сакаме а да го откачиме она што не е за нас…итн. Кој повеќе, кој помалку! Да, до 18-ка целата наша лична работа на нашиот личен развој резултира со градење на нашиот став. Да, да, се пегламе и по 18. Но ако најважниот пресврт е 18, тогаш дали сме вистински оформени како машина која отфрла непотребно, а прифаќа важно и корисно, за себе а не за други.

И нормално, од 18-ка па натаму – свој човек. Свој за се. Меѓу другото и за егзистенција. А во неа, меѓу другото – фамозните хартии со различни личности во различни вредности и димензии со различни имиња, но со едно заедничко – пари. И кога ќе дојде муабетот на пари, тогаш по default синонимот во нашите глави (најчесто, има и исклучоци) е работа: работиш или неработиш, од што живееш, што си направил, имаш ли доволно за себе, за да основаш семејство, за семејството – за твоите соништа - за твоите планови и цели во животот. Во ова последново огромен дел од нашата цивилизација е заглавен преку целиот живот, а особено од 18-ка па натаму. Не е така во Македонија? Не беше, се менуваат работите, станува неопходно да биде така. Ќе речеш, живееме во такво време, тавко општество, каде парите се се. И јас велам, да, парите се се. Но има нешто пред нив, пред да ги имаш / немаш. Определба: сакаш да ги имаш или не, знаеш да ги имаш или не, колку сакаш да имаш и дали ти се доволни за твојот живот, што ќе направиш за да ги добиеш и кога и со кого и со што. Многу врзуванки на темата пари, ајде подобро работа.

Немало работа во денешно време. Луѓето немале пари затоа што немале работа. Тешко било времето денеска. Барај сигурна работа. Живеј и биди задоволен со тоа што го имаш. Не лутај со мозокот, биди реален. Учи за да научиш и да го работиш тоа што ќе го научиш. Бегај надвор овде нема леб. Најди богат/а и гајле да си немаш. Биди добар со баба и дедо, ќе ти остават „имање“ па ќе живееш ко цар цел живот… Си ги сретнал/а овие муабети? Јас ги слушам секој ден. Изговори – блокади – кукавички муабети на луѓе кои не се подготвени од својата 18-ка или пак исплашени од сопствениот живот, да прават промени – да менуваат се додека го сакаат тоа, за да ги остварат своите соништа.

Насловот на постов е нелогичен за текстов? Потаман е! Зошто?

Преживувањето е својствено на животните – ќе се прилагодат на надворешните услови само за да преживеат. Но, ние се разликуваме од нив нели? Зошто да преживуваш? Зошто да не го живееш животот на свој начин? Кој може да Те попречи во таа Твоја цел? Дали знаеш за Твоите цели во животот? Живееш за себе или за други?

Живеењето е она што треба да Те интересира. Да живееш на свој начин, без никакви стеги во главата кој што ќе рече, кој што ќе мисли, кој што ќе посака да направи за да Ти наштети или подобро кој што ќе посака да помогне за да го оствариш Твоето! Ако работиш за да живееш, тогаш бујрум најди го својот пат: работи она што го знаеш, најди ја работата што сакаш да ја работиш, заработувај онолку колку Ти треба а не колку Ти даваат… Некој Те спречува во ова? Не. Некој ти забранува да работиш? Не. Не можеш да најдеш работа? НЕ. Нема работа? НЕ.

Има се за оној што бара и знае што сака, и кој знае да препознае што е што за да биде со него или не. Секој си ги знае своите приоритети и се ќе направи за да ги оствари. Има работа за секој што сака да го живее животот. Нема работа за оној што ужива сите да му помагаат, да му ги завршат работите, да си живее на готово… Особено интересни ми се оние што уживаат да мрчат за други, а себе си не се гледаат. Или подобро, Те советуваат што да правиш а самите ништо не направиле за себе, поточно направиле за да не направат.

Грешките се одлика на оние што сакаат, пробуваат, можат, но и на оние што не знаат. Не е трагично да не знаеш, жално е кога нешто не знаеш а се правиш дека го знаеш, и се гордееш со тоа мислејќи дека си најпаметен. И уште повеќе кога продаваш  му** за бу****, само за да бидеш фаца у друштво, фамилија… А за многу кратко време ќе сватиш дека си згрешил/а, па после Ти е незгодно и сам на себе да си признаеш. А средината губи доверба во тебе. Те гледа дека си сезнајко па се плаши да те праша и за најситна ствар у животот а камо ли за совет за нешто важно во нивниот пат. Дури и е незгодно да биде со тебе у друштво пошто муабетот кој ќе го прави со тебе е празнотија и попусто потрошено време.

Дали можеш сам/а? ДА. Ако сакаш! Живеј го својот живот на својот начин. Тоа е она што јас досега го дознав и научив, и во што секојдневно уживам на свој начин. Работи за да живееш и уживај во тоа што го живееш.